«Innovative Surgery on the Silk Road» ilmiy-amaliy jurnali 2014-yildan boshlab har chorakda nashr etiladi. Uning tashkil etilishi klinik tadqiqotlar va innovatsion usullarni zamonaviy jarrohlik amaliyotiga tatbiq etish bilan shug‘ullanuvchi olimlar va amaliyotchi jarrohlarni birlashtirish zarurati bilan bog‘liq edi. Markaziy Osiyo tibbiyot hamjamiyati, shu jumladan, ilmiy xodimlar va amaliyotchi shifokorlar ilg‘or tibbiy g‘oyalar va zamonaviy innovatsion ishlanmalarni integratsiya qiluvchi nashrga katta qiziqish bildirmoqda.
«Innovative Surgery on the Silk Road» jurnali jarrohlikning turli ixtisoslik va yo‘nalishlariga oid maqolalarni chop etadi. Unda ilg‘or maqolalar, original tadqiqotlar, sharhlar, ma’ruzalar, klinik kuzatuvlar, axborot materiallari, taqrizlar, tahririyatga maktublar, muhokamalar, jarrohlik tarixi bo‘yicha nashrlar, qisqacha xabarlar va yubiley materiallarini topish mumkin. Ayniqsa, yosh olimlar, shu jumladan aspirantlar va doktorantlarning ilmiy tadqiqotlarini chop etishga alohida e’tibor qaratiladi. Nashr etiladigan materiallarning dalillarga asoslangan tibbiyot talablariga javob berishi majburiy hisoblanadi.
Innovative Surgery on the Silk Road (Yuklab olish)